CLICK HERE FOR THOUSANDS OF FREE BLOGGER TEMPLATES »

Thursday, August 30, 2007

اتولدت من جديد


وحشتونى خالص و اللهى أسفه أوى على الغيبه بس كنت مش على بعضى اللأيام اللى فاتت

أنا رجعت من اسوان يوم التلات اللى فات و كنت ناويه احكى كل حاجه من اول الراجل الاجنبى اللى قابلانه فى القطر و احنا رايحين لحد شله الاولاد اللى معندوهمش دم اللى كان نفسى اضربهم و احنا راجعين و احكى عن النيل اللى شكله مختلف خالص عن النيل اللى عندنا هنا و احكى عن متحف النوبه " انا بحب المتاحف اوى" بس يادوبك انا جيت يوم التلات و خالى و مراته و بنته و بنت عم ماما جم يزورونا و اعقدو عندنا فمقدرتش احس انى فى موود انى اكتب او احكى اى حاجه الحقيقه لحد امبارح باليل مكنتش حاسه ان ليه نفس اكتب تانى بس امبارح بليل حصلت حاجه كانت كولاده جديده بالنسبالى

فجاة قبل ما انام حاولى الساعه تلاته بليل الم فظيع فمعدتى " اخدت فيها برد" على العموم انا متعوده على الموضوع ده و بكرهه بس المهم قلت اعملى كوبايه نعناع يمكن اتحسن و شربت كوبايه النعناع و قولت هابقى كويسه و فجاه اشتغل الاسهال حسيت انى هاموت بالبطىء من غير صوت و محديش هايحس بيا .بابا و ماما نايمين و استحرمت اصحيهم و اخويا بيلعب فيفا و اختى نايمه جمبى فى الاوده و لا حسه المهم جيت على الساعه سبعه و قلت اكتب لبابا ورقه يجبلى

معاه دوا قبل ما يروح الكليه فلقيت ماما صحيت.


ماما انا عندى اسهال خلى بابا يجبلى معا داوا، قاليتى خدى حبايه انتوسيد من الدرج المهم اخدت حبايه و بعد شويه بابا قالى ان اول جرعه حبيتين فاخدت واحده تانى و بقيت كويسه ، انا لسه مدروخه و مش قادره اكل بس حاسه انى اتولدت من جديد

شكرا يا مامتى رغم انى كنت مزعلاكى و شكرا يا بابتى يا حبيبى

6 comments:

مصـ( الخير )ـعب said...

حمدالله على السلامة :)

bota said...

حمد الله على السلامه
وربنا يخليلك ماتك وباباكي
وهستنى تفاصي الرحله ان شاء الله

طبيب جراح said...

أيا حاملة الروح الغجرية
سلامتك من كل برد ومرض

غجرية said...

مصعب
الله يسلمك

غجرية said...

بوته
الله يسلمك
ان شاء الله احكليكم على الرحله

غجرية said...

طبيب
يبدو ان الروح الغجريه اكثر عرضه للمرض لكثره السفر و التنقل و لكن مع كبيب فى براعتك "ان شاء الله"ممكن اطمن