أزمه حكى

أشعر بالحكايا تملئونى حتى الحافه

اشعر بأشتياقها للأنسكاب لتغرق كل الاسطح

.ثم اعطيها ظهرى و ابحث عن المحبس لأغلقه جيدا

،فى أخر الليل حين يبدا ذلك الطائر المهاجر فى الزقزقه بصوته الذى طالما كرهته - قبل ان اتعود عليه- فيكف عن اثارة غيظى و تقل رغبتى فى إلقاء طوبه تصيبه فى مقتل

يمكننى ان اسمع خطوات الكثير من المشاعر داخلى. بعضها اعرفه جيدا و بعض الخطوات أسمعها لأول مره.. تملئنى رغبة شديدة فى أن اكتب نوته لترقص عليها تلك الخطوات .فأطفىء النور، اغمض عينى واتظاهر بالنوم

كل مره أرى فيها قلمى الحبر الأخضر فوق الورقه البيضاء اشتاق الكتابه، كل مره ادخل فيها على المدونه تربت اصابعى على الكيبورد و ارى ملايين الافكار ترفع ايديها لأكتب عنها .فأخرج من المدونه و اكتفى بمشاهده حلقه من جريز اناتومى

فمى تملئه الحكايا .أخشى أن افتحه لاقول لاحدهم "صباح الخير" فتنسكب حكايتنا، فاتجنب رؤيه أى بشر و أبقى فمى مغلقا طوال الوقت

.لاننى أعرف أن من بين كل الحكايا ومن بين كل الأحرف، من بين كل المشاعر داخلى

.تلك المرتبطه بك هى الاجمل، هى الاقرب وهى ما أريد أن احكى عنها

من بين كل الحكايا ،وحدها حكاياتك غير مسموح لى ان احكى عنها، لذا فسأكف عن كل الحكايا

كجنيه تقنع نفسها انها نسيت اين خبئت اجنحتها

سأسير كالبشر

كساحرة تقنع نفسها أن قواها تخلت عنها

سأغطى أحمر شعرى بصبغه سوداء

و أختنق بالحكايا

Romeo + Juliet

"my first love sprung from my only hate. too early seen unknown and known too late. oh, predigious love it is to me that i must love loathed enemy."

fight club

my favourate quote from this movie

1-Tyler Durden: It's only after we've lost everything that we're free to do anything.

2-Tyler Durden: You're not your job. You're not how much money you have in the bank. You're not the car you drive. You're not the contents of your wallet. You're not your fucking khakis. You're the all-singing, all-dancing crap of the world.

3-Narrator: When you have insomnia, you're never really asleep... and you're never really awake.

4-Narrator: When people think you're dying, they really, really listen to you, instead of just... Marla Singer: - instead of just waiting for their turn to speak?

5-Tyler Durden: The things you own end up owning you.

6-Narrator: Marla... the little scratch on the roof of your mouth that would heal if only you could

stop tonguing it, but you can't.

7-Tyler Durden: Reject the basic assumptions of civilization, especially the importance of material possessions.

twilight 2

i have talked b4 abt that movie and said i so want to see it, i just did yesterday and here is my opinon abt it:

the idea is not realy new,and was not introduced in a very new way

the soundtracs were nice and smooth

nice shooting sceens espicialy the ones outdoors

all in all it was a nice romantic movie, my favourate seen is when the lay down in the woods.

cant say it is the best romantic movie i saw, but it is worth the watch.

in love with a vampire"twilight movie 2008"

am not sure when i heard abt this movie but, from the moment i saw it's trailer i so wanted to see it not only because of the way "Edward look at Bella" when he saved her from the car, which is breath taking.

but because i have always loved the idea of falling in love with a vampire like fetuered in many movies and series "like Buffy", and maybe that is why "beauty & the best" is my favorite old movie or it is the other way around.

any way i hope it doesn’t turn to b a disappointment but when i see the movie i will tell u.

eva cassidy

معرفش انتو تعرفوا و لا لأ بس أنا بحب أوى الاغانى "خاصة الاجنبى"بحب أسمعها و اوقات الدراسة مش بعرف أذاكرمنغيرموسيقى "علشان كده مش فالحه

المهم بفرح اوى لما اكتشف مغنى جديد او أغنية جديدة ده شىء كفيل أن يغير موودى للأفضل

المهم النهارده اكتشفت مغنية جديدة هى نفسها مش جديدة و انا سمعت عنها قبل كده بس اول مرة احاول انزلها أغانى

المغنية هى ايفا كاسيدى و يا الله صوتها رائع و رغم ان معظم اغانيها اتغنت قبل كده لكن صوتها بيدى الاغنيه طعم تانى خالص

كل اللى بيحبوا الاغانى الهادية و الكلمات الرائعة جربوا ايفا كاسيدى

it was that close

النهارده روحت اتبرع بالدم دى رابع .مرة بس اول مرة اروح اتبرع "داخلى" يعنى فى البنك، كنت كل مرة بتبرع فى العربية اللى كانت بتيجى فى الجامعة،و رغم انى من امبارح عماله ادور على حد يجى معايا علشان ماروحش لوحدى محدش من صحابى كان فاضى. لا امبارح و لا النهارده.

بينى و بينكوا انا قلت يا بت دى تلاقيها اشارة من ربنا مش عايزك تروحى. بعدين قلت لا يمكن بيمتحنى جديتى فى الموضوع.المهم بعد ما خلصت كورس الانجليزى النهارده قولت هاروح و خلاص ما نا كل مرة بتبرع و ببقى كويسه و محصلش حاجه روحت :كنت نايمه كويس و وزنى مناسب و كله تماما اى نعم ماكلتش كويس على الغدا و مشربتش عصيرقبل ما اتبرع زى كل مرة بس قولت مش مشكلة.

المهم روحت و لاقيت البنت لسه موجوده رغم انى اتاخرت شويه قولت لنفسى يا بت دى علامة يبقى كله تماما

المهم اخدت الضغط و كان تماما

و الهيموجلوبين برضه تماما

ساعتها حسيت انى دايخه شويه بس قولت يا بت ماتوهميش نفسك تلاقيكى خايفة من شكه الابرة

و دخلت الحقنه و كله تماما

و شربت العصير و كان بطعم التفاح زى ما بحب و كله كده فى السليم

خرجت من البنك و انا كويسه و كله اوكيه روحت علشان اركب و بدات احس بدوخه و الارض بتسحب من تحتيه و الدنيا بتسود فى عنيه و شويه و هاقع من طولى بسرعة وقفت تاكسى قبل ما يغمنا عاليا

حسيت انى تعبانه جدا و فعلا على الوشك الاغماء المهم هديت نفسى و اتنفست على مهلى ، يا عينى الراجل كان مخضود شكله فكرنى هموت المهم وصلت البيت و نمت و كلت شوكولاته و شربت عصير

و ادينى اهوا زى الفل

:ايه بقى يا شطار الدروس المستفادة

إن انا مش عندى انيما لان الهيموجلوبين كان 14

ههه لا بجد

اول: حاجه اشرب العصير قبل ما تتبرع و كل حاجه مسكرة "زى ما انا عملت فى المرات اللى فاتت "ده غير العصير

اللى هيدوهولك بعد ما تتبرع

ثانيا :ما تروحش لوحدك بجد لازم يبقى معاك حد لا متوقع انك تحس بدوخه خفيفة و ممكن متحسش بس محدش يضمن

ثالثا :اتبرع داخلى

:) المكان اهدى، اوسع ، و البنت كانت اديها خفيفة

.بس العربية كويسه برضه مش هنختلف يعنى

على فكرة انا كان طول عمرى نفسى اعرف الناس بيحسوا بايه لما يغمى عليهم النهارده كنت قريبه اوى من التجربة، اعتقد ان دى حاجه مهمه هتفيدينى بعدين كدكتورة يعنى هبقى حاسه بالناس هبقى فهماه شعورهم

prison break swan

من اول مرة شوفت فيها بريزن بريك و انا نفسى اتعلم اعمل البط او البجعة بتاعة سكوفيليد و النهارده لتعلمتها هحطلكوا الفيديو بتاعها فى البوست الجاى

انا بحاول احط الفيديو مش راضى فهاحتلكوا اللينك هنا

يمكن يكون اللينك اللى فات صعب شوية من اول مرة فجربوا تتعلموا الاول من هنا

و حاول برضه احط الفيديوا فى بوست لوحده

حكاوى

اديلى كتير اوى محكتش مع اى حد يمكن لان مافيش حد احكى معاه. اول مرة اخد بالى دلوقت، المهم خلونى احكى شوية

اول حاجه :انا جبت جيد السنه دى 71.5

كنت خايفة جدا اشيل مادة ولا حاجه فالحمد لله إن جبت المجموع ده

تانى حاجه: انا جبت قطة اديلها يمكن دلوقت تلات اسابيع او حاجه

انا كان طول عمرى نفسى اربى قطة انا اصلا بعشق القطط بحب شخصيتها، اى حد مربى قطة هيفهم قصدى

تلات حاجه: اخويا عمل عملية روباط صليبى الخميس اللى فات

كانت تجربة جديدة

اتاكدت فيها انى مش بعرف ادى تعبير لحظى عن مشاعرى غالبا بيبقى بانكار ،عدم استيعاب و حالة من التناحة ،على اى حال

كان نفسى ادخل معاه العملية بس الدكتور مارضيش ده غير ان هو نفسه ما كنش موافق

اول يومين بعد العملية كانوا اصعب فترة بس هو كويس دلوقت

رابع حاجه: ان شاء الله هاخد دورة لغة انجليزى و اى سى دى ال

هبدا يوم الجمعة

.بس كده دى حكاويى دلوقت اعذرونى لو محكتش كتير اديلى كتير ساكتة

up close and personal

انا بحب الحيوانات جدا بكل انوعها خاصه القطط ، كان فى وقت فكرت اكون نباتيه بس الحقيقه بحب اللحمه و ماليش اقوى فى الخضار

و انا صغيره كنت بحلم اعمل حديقه حيوان فى بيتى لما اكبر بس دلوقتى مش حبه الفكره كفايه عليا زوربا

كان اديلى فتره حاسه انى مش حبه زوربا " السمكه بتاعتى" و بدات ازهق منه لحد ما حلمت انه بيموت و زعلت اقوى.. ساعتها اكتشفت انى بحبه اقوى و انى هاعيط و ازعل اقوى لو مات

أنا بخاف اقوى من انى اعدى الشارع، بخاف العربيات تخبطنى و ممكن استنى كتير لحد ما أعدى و بحب اقوى حد يعدنى ساعات بستنى ناس تكون معديه و اعدى معاهم كانى بتحامه فيهم ( أعدت فتره اتخيل ان لو عربيه خبتطنى ها يلمو اشلائى و يخدنونى على المشرحه) تخاريف داكتره

بكره المسئوليه ..بحب اعيش كده حره اعمل اللى عايزه فى الوقت اللى عايزه ..مش معنى كده انى مش بتحمل المسئوليه لكن افضل انى ابعد عنها و يمكن ده واحد من اسباب كرهى للاطفال

...بضايق اقوى من الاولاد لما يتصرفوا بتناحه ، مثلا يعقودا على سلم المدرج طيب و احنا نعدى منين؟ ببقى نفسى

!! او يعقد يتكلموا و يضحكوا بصوت عالى فى مكان مقفول

ميمنعش ان فى منهم جدعان بس قوليلين اوى

بضايق لما الدكتور يدخل المحاضره و مايقولوش اسمه و كانه اشهر من نار على علم او كاننا مش مهمين. انا عارفه ان غالبا بيكون ناسى بس برده ده مش اتيكيت

مش بحب كل ما اشوف واحده نعقد نسلم و نبوس بعض" ممكن تكون اصلا مش بتجبنى" بس لازم الاربع بوسات الحقيقه انا بطلت اسلم على حد او ابوسه الا لما تكون فعلا وحشانى اى نعم ساعات بطر بس مش كتير

بضايق من الناس اللى معدهمش اى استعداد يتعلمو او يتغيروا او يفكروا

بضايق من المتعصبين اللى بيكرهوا المسيحين كده من الباب للطق او لمجرد اعتقدهم ان هما بيكرهونا ، او مثلا يعتقدوا انهم بياكلوا ادمنا فى رمضان علشان يغظونا! طب هما ليه يصموا معانا.. يعنى احنا بنصوم معاهم لما بيصوموا. بعدين المفروض يكون ايمانا و اقتنعنا بالصوم اكبر من ان يهزوا واحد بياكل قدامنا

بحب اوى الصور الابيض الاسود خاصه لما يكون ليها قصه .نفسى اعمل اوده مليانه صور ابيض و اسود

بكره

بكره اول يوم فى السنه الدراسيه الجديده السنه دى ناويه اذاكر كويس بحلم اجيب امتياز

مش عارفه هقدر انتظم فى الكتابه هنا و لا لا خاصه ان بابا و ماما بيقولوا ان مش هيبقى فى كمبيوتر و لا تلفزيون مش عارف بس لحد ما اقبلكم تانى سلام

yoga

من حوالى تلات أيام و انا سهرانه و مش لاقيه حاجه اتفرج عليها لاقيت تمارين يوجا على قناه "تقريا" المستقبل

انا طول عمرى كنت حبه فكره اليوجا و كان نفسى العب يوجا بس طبعا مش ممكن الاقى حد يدربنى هنا المهم من ساعتها و انا نفسى اللعب اى تمارين خاصه انى الاجازة دى ادتها نوم و حسه انى فقدت كل مرونتى " انا كنت دايما بلعب اى تمارين

المهم دلوقتى بتفرج على فيديوهات يوجا على يوتوب مش عارفه هستمر و لا لا بس ربنا يسهل

لماذا خدت اجازه

ادى الاجازه بتخلص و انا مش فرحانه انها بتخلص بس مش زعلانه اوى لانى زهقت

لما ابص ورايا الاقنى معملتش حاجه من اللى كان نفسى عملها و ده طبيعي لانى دايما مش بعرف احقق كل خططى

طيب خلونا نكون اجابيين

كان نفسى أتعلم عود و روحت سئلت على الراجل بس لاقيته بيعلم كل حاجه ماعدا العود ده غير ان بابا محبش المكان و خاف عليا

لكن اتعلمت ادى حقن و ده شىء كان نفسى اتعلمه من زمان

كان نفسى روح جيم

لكن نمت بما يكفينى لسنه قدام و بما ان سنه تلت صعبه فا غالبا احتاج النوم ده

قابلت ناس جديده و اتعرفت على عوالم تانيه

أتعلمت أعمل رز معمر اللى كان جميل و كيكه شيكولاته اللى كانت ناشفه شويه لكن اتكلت فى نفس الليله

سافرت لاول مره لوحدى و الحمد لله ما تهوتش و زرت أسوان شفت اد ايه النيل هناك جميل

يمكن معملتش للى نفسى فيه بس عملت حاجات تانيه و انا مش ندمانه يمكن احاول اعمله السنه اللى جايه

اتولدت من جديد

وحشتونى خالص و اللهى أسفه أوى على الغيبه بس كنت مش على بعضى اللأيام اللى فاتت

أنا رجعت من اسوان يوم التلات اللى فات و كنت ناويه احكى كل حاجه من اول الراجل الاجنبى اللى قابلانه فى القطر و احنا رايحين لحد شله الاولاد اللى معندوهمش دم اللى كان نفسى اضربهم و احنا راجعين و احكى عن النيل اللى شكله مختلف خالص عن النيل اللى عندنا هنا و احكى عن متحف النوبه " انا بحب المتاحف اوى" بس يادوبك انا جيت يوم التلات و خالى و مراته و بنته و بنت عم ماما جم يزورونا و اعقدو عندنا فمقدرتش احس انى فى موود انى اكتب او احكى اى حاجه الحقيقه لحد امبارح باليل مكنتش حاسه ان ليه نفس اكتب تانى بس امبارح بليل حصلت حاجه كانت كولاده جديده بالنسبالى

فجاة قبل ما انام حاولى الساعه تلاته بليل الم فظيع فمعدتى " اخدت فيها برد" على العموم انا متعوده على الموضوع ده و بكرهه بس المهم قلت اعملى كوبايه نعناع يمكن اتحسن و شربت كوبايه النعناع و قولت هابقى كويسه و فجاه اشتغل الاسهال حسيت انى هاموت بالبطىء من غير صوت و محديش هايحس بيا .بابا و ماما نايمين و استحرمت اصحيهم و اخويا بيلعب فيفا و اختى نايمه جمبى فى الاوده و لا حسه المهم جيت على الساعه سبعه و قلت اكتب لبابا ورقه يجبلى

معاه دوا قبل ما يروح الكليه فلقيت ماما صحيت.

ماما انا عندى اسهال خلى بابا يجبلى معا داوا، قاليتى خدى حبايه انتوسيد من الدرج المهم اخدت حبايه و بعد شويه بابا قالى ان اول جرعه حبيتين فاخدت واحده تانى و بقيت كويسه ، انا لسه مدروخه و مش قادره اكل بس حاسه انى اتولدت من جديد

شكرا يا مامتى رغم انى كنت مزعلاكى و شكرا يا بابتى يا حبيبى

مسافره

طيب يا جماعه هاريحكوا منى بتاع اسبوع كده مسافره اسوان أنا و اختى، الجميل اننا مسافرين لوحدنا و بما انى الكبيرة فالمفروض انى انا المسئوله. و غير انى بكره المسئوليه انا اصلا بتوهه لوحدى حتى هنا فى البلد

المهم ادعولى منتهوش و اول ما هارجع انشاء الله هحكيلكم كل حاجه

سلام بقى

أكره جيرى و باجز و تويتى

أحب أوضح أنى بحب الكرتون و معدنيش مشكله أنى أتفرج عليه بس مشكلتى مع السابق ذكرهم هى مشكله أكثر عمقا

أولا: خلينا نبدأ بجيرى ذلك الفار المفعوص و الذى يكيد لتوم الغلبان الهزائم اللى بيضيقنى فعلا أن توم بيعمل كل فكره و فكره و مع ذلك و لأن تقريبا المخرج بيجب الفيران يقوم السيد جيرى بتخريبها أحيانا حتى بطرق لا منطقيه بصراحه أنا شايفه إن من حق تومى ياكل جيرى، طبيعى أن القط يأكل الفار خاصه لما يعمل اللى عليه و يحط خطه ممتازة

ثانيا: بالنسبه للحج باجز فهو أولا ثقيل الدم جدا بالجزره العبيطه بتاعته، بعدين بحسه أليط أوى فاكره نفسم محدش زيه نفسى لراجل الغلبان يصطاده و يخلص عالمى من رخامته.

ثالثا: السيد تويتى هذا العصفور الألدغ و الذى يبدوأنه أيضا على معرفه بالمخرج الذى ينجيه من قبضه الغلبان سلفستير على الدوام

ملحوظه: أستسنى من هذا الكرهه السيد كيوتى و رود رنر ربما لأنهم قرايبى من بعيد

زوربا العسول

طيب بما أن محدش قرر يشارك فى تسميه السمكه قررت أنى أسميها زوربا، الحقيقة أنا مكنتش عارفه قصته بالظبط أنا سمعت الأسم فى نص لواحد من صحابى بعدين لاقيت موسيقى أسمها زوربا، و أنا كان نفسى أسمى حاجه بتبدأ بحرف الزد

زوربا عسول خالص كنا جبناله أكل سمك بس مكنش عجبه و مرضيش يأكل ..و أنا بدور على معلومات عنه أكتشفت أنه ممكن يأكل يرقات الناموس فجربنا نديله هاموش و بعدين ناموس و أكتشفنا أنه بيحبهم أوى حتى أكتر من أكل السمك و من ساعتها و البيت كله بيدو على الناموس و يظهر أن حد سرب المعلومه دى للناموس فكل الناموس أستخبى

المشكله اللى كانت بتواجهنا فعلا هى لما نيجى نغير الميه لأنه كان دايما ينط و يقع أما فى الحوض أو على الأرض و كان بيتعور " كانت زعانفه بتقطع" فروحت أشتريت شبكه و أكل تانى علشان مش معقول الواد يعيش على الناموس يعنى" رغم أنه بيحب الناموس أكتر" على أى حال الشبكه قامت بالدور على أكمل وجه و من ساعتها و زوربا مش بيوقع و زعانفه جميله و كله تمام

سموكتى

أمبارح بابتى و أختى جابولى سمكه هدية .. هما قالوا أنها علشان النتيجة بس أنا بيتهألى أنهم كانوا هيجيبوها على أى حال ، المهم أنها بتعاتى يمكن أول مرة من فترة بيقى عندى حيوان بتاعى أنا - أحنا عندنا سلحفة ( شيبو) بس هو بتاع أختى _ أى نعم كلنا بنلعب معاه بس هو بتاع أختى.

نرجع للسمكه ، هى من نوع موجود فى أسيا أسمه فايتر أو المحارب اللى عندنا راجل لونه نبيتى ، السمكه دى مش بتحتاج جهاز اوكسيجين علشان بتقدر تتنفس الأوكسجين من الهواء الجوى، هو عسول خالص أي نعم هادى اوى حتى اكتر من شيبو بس برده عسول.المفروض نجبله بنت الأسبوع الجاى.انا كنت هاسميه "نيمو" بس حساه عادى أوى ياريت لو حد عنده أقتراح بتفضل يقولوه.

http://en.wikipedia.org/wiki/Siamese_Fighting_Fish

أعلان

أمبارح طلعت النتيجة

الحمد لله جبت "جيد" 70.1

واقع الأمر أنى مش سعيده جدا، أى نعم أما كنت معتقده أنى كنت ممكن أشيل نظرا لكل اللعلب و تضيع الوقت اللى خت فيه دكتوراه، لكن كان نفسى على الأقل أجيب زى السنه اللى فاتت "جيد جدا".على كلا الحمد لله

تم بحمد لله

فى اليوم الأحد 7-7-2007 أديت أول حقنه ف حياتى عضل طبعا

.كنت قلقنا أنى ألم الست بس لما سألتها أذا كانت أتألمت قالت لأ

الموضوع طلع أسهل مما كنت متوقعه أنشاء الله أتعلم الوريد قريب بإذن الله

بس اللى شوفته و فعلا أثر فيها أنى شوفت شاب مشلول ( الشلل كان مؤقت) لكن أنك تشوف الأنسان و هو ولا حاجه حتى الدبانه على وشه مش عارف يهشها. ربما كان بيتألم و يحاول يتكلم بس مش قادر المنظر ده أثر فيا أوى لدرجه أنى كنت هاعيط و حلمت بكاوابيس