CLICK HERE FOR THOUSANDS OF FREE BLOGGER TEMPLATES »

Wednesday, July 18, 2007

زوربا العسول



طيب بما أن محدش قرر يشارك فى تسميه السمكه قررت أنى أسميها زوربا، الحقيقة أنا مكنتش عارفه قصته بالظبط أنا سمعت الأسم فى نص لواحد من صحابى بعدين لاقيت موسيقى أسمها زوربا، و أنا كان نفسى أسمى حاجه بتبدأ بحرف الزد

زوربا عسول خالص كنا جبناله أكل سمك بس مكنش عجبه و مرضيش يأكل ..و أنا بدور على معلومات عنه أكتشفت أنه ممكن يأكل يرقات الناموس فجربنا نديله هاموش و بعدين ناموس و أكتشفنا أنه بيحبهم أوى حتى أكتر من أكل السمك و من ساعتها و البيت كله بيدو على الناموس و يظهر أن حد سرب المعلومه دى للناموس فكل الناموس أستخبى

المشكله اللى كانت بتواجهنا فعلا هى لما نيجى نغير الميه لأنه كان دايما ينط و يقع أما فى الحوض أو على الأرض و كان بيتعور " كانت زعانفه بتقطع" فروحت أشتريت شبكه و أكل تانى علشان مش معقول الواد يعيش على الناموس يعنى" رغم أنه بيحب الناموس أكتر" على أى حال الشبكه قامت بالدور على أكمل وجه و من ساعتها و زوربا مش بيوقع و زعانفه جميله و كله تمام

5 comments:

مصطفى محمود said...

ههههههههههه

لطيف اوى موضوع السمووووووك دة !!

اول مرة اشوف حد بيسمى سمكة بصراحة ولا وكمان محددة نوعة ..سموك!!

موضوع جميل ولذيذ ابقى طمنينا على زوربا ...

تصدقى انا طول عمرى بفكر هو السمك بياكل اية ؟ ياريت تبقى تقوليلى .

تحياتى

Amour said...

wallahi ana msh ba7eb yeb2a 3andy samak ma3a enni 3andi wa7da delwa2ty ba2alha 3 shohour.. bas kol ta3amolaty m3aha mogarad a7otelha akl w atfarag 3aleha..
di 7ata malhash esm!!
Ana ba7eb el 3asafeeeeeer aktar..
ana 3andy 4 a2fas feeha ba3'ba3'anaaat austorali!!
Esmohoum Bouby, Nounna, Nounny, Toti, SoSo & Azro2y.. and there was Battout but she died!!
Also I have 2 zippra birds.. Yassin and Baheya!!
And 2 Barcadello!! unnamed yet.
Oh also we do have 5 eggs in the nest :D
Bas esm ZORBA 3'areeeeb moooot!!

غجرية said...

مصطفى محمود
هو فعلا السموك لطيف بعدين طبيعى أعرف نوعه و إذا كان ولد ولا بنت لما أشتريه الراجل بيقولى بعدين الولد أكبر فى الحجم
بالنسبه للأكل فأحنا أشترينا أكل من عند الراجل شبه قشر الفينو المفروض أنه خلاصه جمبرى و حجات ده بس زوربا بيحب الناموس الطازه و احيانا بيحلى بعنكبوت

غجرية said...

عمرو
أولا مبروك على النتيجه
بعدين حرام عليك سايب السمكه من غير أسم طب قولى هى ولد ولا بني و أنا أسمهيلك
احنا كان عندنا عصافير برده بس بعناهم ربنا يخليهملك

Amour said...

سمكتشي
زلد أمور وجسمه لبني وبشنبات طويييلة
هوا شقي كتييير ومفجوع جدّا وبيحب البقسماط!!
بس العصافير ألذ بكتيير على الأقل بيعملوا حس ف الشقة وممكن ألعب معاهم بإيدي!!
:)