CLICK HERE FOR THOUSANDS OF FREE BLOGGER TEMPLATES »

Monday, September 10, 2007

لماذا خدت اجازه



ادى الاجازه بتخلص و انا مش فرحانه انها بتخلص بس مش زعلانه اوى لانى زهقت


لما ابص ورايا الاقنى معملتش حاجه من اللى كان نفسى عملها و ده طبيعي لانى دايما مش بعرف احقق كل خططى


طيب خلونا نكون اجابيين

كان نفسى أتعلم عود و روحت سئلت على الراجل بس لاقيته بيعلم كل حاجه ماعدا العود ده غير ان بابا محبش المكان و خاف عليا

لكن اتعلمت ادى حقن و ده شىء كان نفسى اتعلمه من زمان



كان نفسى روح جيم
لكن نمت بما يكفينى لسنه قدام و بما ان سنه تلت صعبه فا غالبا احتاج النوم ده


قابلت ناس جديده و اتعرفت على عوالم تانيه
أتعلمت أعمل رز معمر اللى كان جميل و كيكه شيكولاته اللى كانت ناشفه شويه لكن اتكلت فى نفس الليله

سافرت لاول مره لوحدى و الحمد لله ما تهوتش و زرت أسوان شفت اد ايه النيل هناك جميل


يمكن معملتش للى نفسى فيه بس عملت حاجات تانيه و انا مش ندمانه يمكن احاول اعمله السنه اللى جايه

5 comments:

Amr Ehab said...

أختي الغالية جدًا

يمكن مش لوحدك اللي حاسة بإن الإجازة اتسحبت من إيديكي
يمكن كان نفسك تعملي حاجات ومحصلتش
وحاجات تانية ماكنتيش بتفكري فيها وحصلت
وحاجات وحاجات وحاجات غير الحاجات

المهم نخلينا إيجابيين شوية
بدل ما أحس بالإحباط كدة
وللا إيه؟

شدي حيلك السنادي بقة وبطلي لعب من أولها، اتفقنا؟

إدعيلي
ورمضان كريييييييييييم

مصـ( الخير )ـعب said...

بقالي كتير أوي نفسي آخد أجازة

طبيب جراح said...

غجرية

اذا رايت انك حققت 50 % من اللي كنت عايزة تعمليه
فهذا انجاز
لان كثير مننا لم يتقدم خطوة واحدة في الاجازة

المهم ان تحسي انك دايما بتتقدمي للامام

شدي حيلك في سنة ثالثة
وابدأي مذاكرة بجد من اول يوم
لان المواد طوييييلة

تمنياتي بالتوفيق

بنت الحياه said...

I think Agaza is always available as long as u have the power to make a decision taking one..
El drasa 3omraha makanet tefre2 kteer benesbali 3an el agaza.. except tab3an ayaam el exaaams ;) de 7aga tanya khalesss..

bas kont baktashef dayman en el mot3a el 7aqeqeya fel engaaaz .. sawaa2 fe 7aga kbeeeraaa w gad zay ederasa aw 7aga enjoyable zay el fun time w keda .. el mohem matsebeesh el omooor tmeee3 mennek .. live each b kol ma feeehom ..

Ba7ebek ya agmal ghagareya 3reftaha f 7atay :)

Sara Swidan said...

حـــــقـــــن؟؟؟؟؟؟؟؟؟؟؟

يا متوحشة تدي حقن؟؟؟؟؟؟؟؟؟؟

حرام عليكي تبقي رمز مخاوف الأطفال ، و تزوريهم في كوابيسهم!!!

بس يا بختك بحوار أسوان دة ... انا عمري ما رحتها . أقلاب مرة شفت فيها النيل كنت ف الزمالك!!!


:)