اديلى كتير اوى محكتش مع اى حد يمكن لان مافيش حد احكى معاه. اول مرة اخد بالى دلوقت، المهم خلونى احكى شوية
اول حاجه :انا جبت جيد السنه دى 71.5
كنت خايفة جدا اشيل مادة ولا حاجه فالحمد لله إن جبت المجموع ده
تانى حاجه: انا جبت قطة اديلها يمكن دلوقت تلات اسابيع او حاجه
انا كان طول عمرى نفسى اربى قطة انا اصلا بعشق القطط بحب شخصيتها، اى حد مربى قطة هيفهم قصدى
تلات حاجه: اخويا عمل عملية روباط صليبى الخميس اللى فات
كانت تجربة جديدة
اتاكدت فيها انى مش بعرف ادى تعبير لحظى عن مشاعرى غالبا بيبقى بانكار ،عدم استيعاب و حالة من التناحة ،على اى حال
كان نفسى ادخل معاه العملية بس الدكتور مارضيش ده غير ان هو نفسه ما كنش موافق
اول يومين بعد العملية كانوا اصعب فترة بس هو كويس دلوقت
رابع حاجه: ان شاء الله هاخد دورة لغة انجليزى و اى سى دى ال
هبدا يوم الجمعة
.بس كده دى حكاويى دلوقت اعذرونى لو محكتش كتير اديلى كتير ساكتة
2 comments:
مبروك النجاح والتقدير
عل الرغم انو ف طب يعتبر وحش اوي
بس الحمد لله انها جت كده وتحسني ف رابعه ان شاء الله
---
اوعي تكون القطه السودا دي ؟؟
بس عموما ربنا يخليهالك بتونس كتير
---
الف سلامه عل اخوكي
انا حضرت عمليه مع تيته كانت
anal fistula
واستمتعت جدا بس الفرق ان هيا أصرت انى احضر .. والدكتور ده غبي جدا لا مؤاخذه
--
التمبليت رائع ..تحياتي لقلمك جدا
مودتي
انا بحب البلوج على فكره
وكنت باجى العب مع القطة اللى فى السايد بار وامشى
..
.
ارغى كتير على اد ماتقدرى
انا نفسى ارغى كده بقالى فترة ومش قادرة
خلى بالك منك ومن القطة
Post a Comment